Yarımmüdafiəçi Rodri “Mançester Siti”də oynamaqda davam edəcək.

Apasport.az saytının məlumatına görə, İspaniya millisinin üzvü “şəhərlilər”lə yeni müqavilə imzalayacaq.

Ulduz futolçu Premyer Liqa çempionu ilə sözləşməsini sabah 2027-ci ilə qədər uzadacaq. Onun hazırkı anlaşması 2024-cü ilin yayına qədər qüvvədədir. “Mançester Siti” ötən mövsüm göstərdiyi əla performansa görə 26 yaşlı oyunçunu yeni müqavilə ilə mükafatlandırmaq qərarına gəlib. Bununla həmçinin futbolçu ilə maraqlanan “Bavariya”nın danışığa başlamasının qarşısı alınacaq.

Qeyd edək ki, Rodri “Mançester Siti”yə 2019-cu ildə “Atletiko”dan keçib.

• Mahmud Qurbanov İSTEFA VERDİ
• Şakira Pikeyə mahnı oxudu: “Sənin kimi oğlanlar üçün deyiləm”
• Federasiya prezidenti: “Diqqətləri özümüzə cəlb edə bilmişik”
• "Real" 36-cı dəfə La Liqa çempionu oldu
• Laçında "Sağlam həyat" günlərinə start verilib - FOTO