“Mançester Siti”nin baş məşqçisi Pep Qvardiola “Barselona”da birlikdə çalışdığı argentinalı Lionel Messinin səviyyəsindən danışıb.

Apasport.az saytının məlumatına görə, ispaniyalı mütəxəssis PSJ-nin hücumçusunu dünyanın ən yaxşısı adlandırıb.

Onun fikrincə, heç kim Leo səviyyəsində ola bilməz: “Messinin taxtını ələ keçirməyə çalışanlara yazığım gəlir. Əminəm ki, bu mümkün deyil. Messi ən yaxşısıdır. Meydanda mükəmməl oyunçunun etməli olduğu hər şeyə qadirdir. Üstəlik, bunu üç gündən bir göstərir”.

Qeyd edək ki, Lionel Messi 7 dəfə “Qızıl top” mükafatına yiyələnib. Argentinalı bu mövsüm PSJ-nin heyətində 17 oyunda 11 qol vurub, 13 məhsuldar ötürmə verib.

• Zümrüd Ağayeva Avropa çempionatının oyununa təyinat alıb
• Taekvondoçularımızdan Türkiyədə 8 medal
• Portuqaliya millisini arzulayır
• AFFA-da hakimlər üçün seminar keçirilib
• “Barselona”nın darmadağını ilə UDUŞ