“Real”da daha bir futbolçu ilə bağlı qərar verilib.

Apasport.az saytının məlumatına görə, müdafiəçi Eder Militao “kral klubu” ilə yeni müqavilə imzalayacaq.

Braziliya millisinin üzvü yaxın günlərdə madridlilərlə 2028-ci ilə qədər nəzərdə tutulan sözləşmə bağlayacaq. Mərkəz müdafiəçisi ilə hərtərəfli razılaşma əldə edilib, xırda detallar da yoluna qoyulduqdan sonra sənədə qol çəkiləcək.

Eder Militao “Real”a 2019-cu ildə “Porto”dan 50 milyon avroya keçib. O, cari mövsüm 50 oyun keçirib, 2 qol vurub.

Qeyd edək ki, “Real” dünən yarımmüdafiəçisi Luka Modriçlə də yeni müqavilə imzalayıb.

• Hindistan KUPONU
• “Çelsi”nin müdafiəçisi üçün 47 milyon avro
• Niderland KUPONU
• “Qarabağ” qələbə, Azərbaycan xal qazandı
• Azər Məmmədov: “Danışılası çox şey yoxdur”