Şahruddinin komandası 2-ci liqa klubuna məğlub oldu

17.01.2024 - 23:19

Türkiyə Kubokunda 1/16 final mərhələsinin görüşləri davam edir.

Apasport.az xəbər verir ki, bu gün Şahruddin Məhəmmədəliyevin formasını geyindiyi "Adana Demirspor" doğma meydanda "24 Erzurumspor"u qəbul edib.

Qarşılaşmanın əsas və əlavə vaxtı 2:2 hesablı bərabərliklə yekunlaşıb.

Penaltilər seriyasında daha dəqiq olan (7:6) II Liqa təmsilçisi növbəti raunda yüksəlib. "Adana Demirspor" isə kubokda mübarizəni dayandırıb.

Şahruddin Məhəmmədəliyev bu oyunda iştirak etməyib. 29 yaşlı qapıçının adı qarşılaşmanın iştirak ərizəsinə daxil edilməyib.

Əlirza Əlirzalı

0 0