Cənubi Koreya millisinin yeni baş məşqçisi bəlli olub.

Apasport.az saytı xəbər verir ki, bu post Yurgen Klinsmanna həvalə edilib. 

Almaniyalı mütəxəssis ilə 3,5 illik müqavilə imzalanıb. Əmək haqqı hər iki tərəfin razılığı ilə açıqlanmayıb. 

Klinsmann gələn həftədən işə başlayacaq. 58 yaşlı məşqçinin debüt oyunu martın 24-də Ulsanda Kolumbiya ilə yoldaşlıq oyunu olacaq.

Qeyd edək ki, Klinsmann Almaniya və ABŞ millilərində, həmçinin “Bavariya” və “Herta” komandalarında baş məşqçi olub. O, bu postda portuqaliyalı Paulu Bentunu əvəzləyib. 

• Nigeriya uduzmayacaq, Meksikada qarşılıqlı qol - KUPON 
• Azərbaycan çempionatında 1-ci dövrə başa çatdı
• "Azerreyl" legioneri ilə yollarını ayırdı
• “Mançester Yunayted”ə müştəri tapılmır
• İbrahimoviç: “Fransanın mənə ehtiyacı var, mənə Fransa lazım deyil”