İtaliya Seriya A təmsilçilərindən “Yuventus”un yarımmüdafiəçisi Filip Kostiç bir sıra klublardan gələn təklifləri rədd edib.

Apasport.az xarici KİV-ə istinadən xəbər verir ki, serbiyalı futbolçu ilə “Sauthempton”, “Ayntraxt” (Frankfurt), “Əl-Əyn” və Rusiya Premyer Liqası təmsilçiləri maraqlanıb.

Turin klubunun rəhbərliyi yaxın vaxtlarda 31 yaşlı yarımmüdafiəçini satmaqda qərarlıdır. Kostiçin karyerasını davam etdirmək üçün ən çox ehtimal olunan variant “Qalatasaray” hesab edilir.

Kostiç 2022-ci ilin avqustundan “Yuventus”da çıxış edir. Tərəflər arasındakı müqavilə 2026-cı ilin yayında başa çatır.

• Mourinyo “Real”a qayıdışı reallaşacaqmı?
• Qadın millimiz yarımfinalda 
• PSJ hücumçu transfer etdi
• Mutudan Anım günü ilə bağlı paylaşım
• "Sabah" FIBA Avropa Kubokunda ilk oyununa çıxacaq