"Tottenhem" Akanji üçün "Mançester Siti" ilə təmasa keçib
29.08.2025 - 17:07
"Tottenhem" Akanji üçün "Mançester Siti" ilə təmasa keçib

Premyer Liqa təmsilçisi "Tottenhem" "Mançester Siti"nin müdafiəçisi Manuel Akanji ilə yaxından maraqlanır.

Apasport.az xəbər verir ki, London təmsilçisi "Qalatasaray"ın şəxsi şərtlərdə razılıq əldə edə bilmədiyi isveçrəli oyunçunu rənglərinə bağlamaq istəyir.

Bu barədə insayder Fabritsio Romano məlumat yayıb.

30 yaşlı futbolçu üçün mübarizə aparan klubların arasında A Seriyası təmsilçisi "Milan" da var.\

"Şəhərlilər" 15 milyon funt sterlinq məbləğində olan təklifləri dəyərləndirəcək.

Qeyd edək ki, 2022-ci ilin yayından "Mançester Siti"nin şərəfini qoruyur.