Səudiyyə Ərəbistanı klublarının ulduz futbolçulara marağı davam edir.

Apasport.az "Marca"ya istinadən xəbər verir ki, Səudiyyə Ərəbistanının "Əl-Əhli" klubu "Real Madrid"in hücumçusu Vinícius Junior üçün sensasiyalı təklif hazırlayıb.

Məlumata görə, braziliyalı futbolçu son açıqlamalarında karyerasını Madriddə davam etdirmək istədiyini bildirsə də, onun gələcəyi ilə bağlı söz-söhbətlər səngimir. İspaniya mətbuatının iddiasına əsasən, Səudiyyə Ərəbistanı klubları Vinisiusu heyətinə qatmaqda israrlıdır və bu yarışda əsas favorit məhz “Əl-Əhli” hesab olunur.

Klub 23 yaşlı ulduza 1 milyard avro dəyərində müqavilə təklif etməyə hazırdır. 

Qeyd edək ki, Vinisius Juniorun “Real Madrid”lə hazırkı müqaviləsi 2026/27 mövsümünün sonuna qədər qüvvədədir.

• Qubada futzal turniri keçiriləcək
• Busenaz Sürmeneli dünya çempionu olub
• Abubakarın paxıllığını çəkirmiş: Milliyə çağrılmama səbəbi
• "Atalanta" Lukman üçün 50 milyon avro tələb edir - "İnter" daha az təklif edir
• "Mançester Yunayted"in futbolçusu "Əl-Hilal"la danışıqlar aparır