Super Liqa təmsilçilərindən "Fənərbaxça" futbolçusu Cenk Tosunla yollarını ayıracaq. 

Apasport.az xəbər verir ki, “Antalyaspor” matçının 80-ci dəqiqəsində oyuna daxil olan təcrübəli hücumçu bəlkə də sonuncu dəfə "sarı-lacivərdli" formanı geyinib.

"Fənərbaxça" Cenk Tosunun transferi üçün Yaponiyanın "Urava Red Diamonds" komandası ilə anlaşıb. 

Razılıq əldə edildikdən sonra futbolçunun Yaponiya komandasına transfer olunacağı bildirilib.

Transfer prosesinin bir neçə gün ərzində yekunlaşacağı gözlənilir.

Cenk Tosun bu mövsüm "Fənərbaxça"nın heyətində 17 matçda forma geyinib. 33 yaşlı futbolçu bu matçlarda 2 qol vurub, 1 məhsuldar ötürmə edib.

• "İnter" yeni forvard transfer etməyə yaxındır
• İsko son 6 ildə ilk dəfə İspaniya millisinin heyətində meydana çıxıb
• "Aruka"nın fədakar azarkeşi 1448 km yol qət etdi, komandasını tək buraxmadı - VİDEO
• AFFA rəsmiləri Rumıniyada Beynəlxalq Tərəfdaşlar Görüşündə iştirak ediblər
• NBA: “Los-Anceles Lakers” və “Hyuston Rokets"dən qələbə