“Liverpul”un futbolçusu Florian Virtz İngiltərə karyerasında ilk qolunu vurub.

Apasport.az xəbər verir ki, alman yarımmüdafiəçi Premyer Liqanın 18-ci turu çərçivəsində “Vulverhempton”a (2:1) qarşı keçirilən oyunda fərqlənib. 22 yaşlı futbolçu matçın ilk hissəsində rəqib qapısına yol taparaq “Liverpul” forması ilə liqadakı ilk qoluna imza atıb.

Bu qarşılaşma Virtz üçün Premyer Liqada 17-ci oyun olub. O, bundan əvvəl çempionatda yalnız 1 məhsuldar ötürmə ilə yadda qalmışdı.

Qeyd edək ki, Florian Virtz cari mövsümdə “Liverpul”un heyətində bütün turnirlər üzrə 23 oyuna çıxıb, 1 qol vurub və 4 məhsuldar ötürmə edib.

• "Liverpul" və "Mançester Siti" Premyer Liqa forvardını hədəfləyir
• Alvarez müəyyən şərtlərlə "Atletiko"dan ayrıla bilər
• Emil Mustafayev: "İndidən başqa məsələ haqda düşünmürəm"
• Lənkəranda minifutbol turniri keçiriləcək
• Respublika turnirində yarımfinalçılar müəyyənləşib