İspaniyanın “Valensiya” klubunun yarımmüdafiəçisi Joffrey Kondoqbiya komandasını dəyişir.

Apasport.az saytının məlumatına görə, 27 yaşlı oyunçu La Liqanın digər təmsilçisi “Atletiko”ya keçəcək.

Mərkəzi Afrika Respublikası millisinin üzvünün gün ərzində transferinin rəsmiləşməsi gözlənilir. Futbolçu artıq Madrid təmsilçisində tibbi baxışdan keçib. Bu transfer “Atletiko”ya 12 milyon avroya başa gələcək. “Valensiya” daha 2 milyon avro bonus əldə edəcək. Həmçinin razılığa əsasən dayaq yarımmüdafiəçisinin növbəti transferindən qazanılacaq məbləğin 10 faizi “yarasalar”a çatacaq.

Qeyd edək ki, Joffrey Kondoqbiya “Valensiya”ya 2017-ci ildə “İnter”dən keçib.
 

• "Mançester Yunayted" Delap üçün transfer yarışına qoşulub
• Salah Premyer Liqada 300-cü matçını keçirib
• "Barselona" Şesni ilə müqavilə yeniləmək istəyir - Laporta açıqladı
• “Qızıl top”un təqdimat tarixi açıqlandı
• İspaniya Superkubokunun iştirakçıları müəyyənləşib