"Elit-raund bizim üçün çox çətin keçdi. Hər şey son turda müəyyənləşdi".

Apasport.az saytının məlumatına görə, bunu futzal üzrə Rusiya yığmasının kapitanı Danil Davıdov deyib.

DÇ-2020-nin elit-raundunda Azərbaycan millisi ilə eyni qrupda yer alan ruslar yığmamıza məğlub olsalar da, digər iki oyunda qələbə qazanaraq, final mərhələsinə adlayıblar. Davıdov komandamıza yenilginin onları çox narahat etdiyini söyləyib: "Azərbaycana uduzduqdan sonra iki gün çətin psixoloji vəziyyətdə olduq. Uşaqlar yata bilmirdilər. Xorvatlar isə minimum tapşırığı yerinə yetirmişdilər və son turda tribunaların dəstəyini aldılar. Ancaq əsl xarakter göstərdik, döyüşərək qalib gəldik".

Qeyd edək ki, C qrupunda Rusiya 6 xalla birinci yeri tutaraq mundiala vəsiqə qazanıb. Azərbaycan millisi isə 4 xalla qrupu 3-cü pillədə başa vurub.
 

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı