"Beşiktaş" klubu bir neçə xarici klubla əməkdaşlıq etməyə hazırlaşır.

Apasport.az saytının məlumatına görə, həmin ölkələrdən biri də Azərbaycandır.

İstedadlı gənc futbolçularının son vaxtlar qısa müddətdə aşağı liqalara yollanıb, orada da yoxa çıxmalarından narahat olan İstanbul təmsilçisi bunun qarşısını almaq üçün yeni sistem qurmaq niyyətindədir. "Ağ-qaralar" həmin gəncləri Monteneqro, Kosovo, Albaniya, Azərbaycan, Bosniya və Herseqovina kimi ölkələrin yüksək liqa klublarına icarəyə verməyi planlaşdırırlar. Həmçinin həmin komandalarla oyunçu dəyişikliyi də planlaşdırılır.

"Beşiktaş" rəhbərliyi ilk mərhələdə Ərsin Dastanoğlu, Oğuzhan Akgün, Kərəm Kalafat, Oğuzhan Aydoğan, Ərdoğan Kaya və İlkay İşlər kimi gələcək vəd edən gənclərini oyun praktikası toplaması üçün adıçəkilən ölkələrin çempionatlarına yollamaq niyyətindədir.

Klubun İdarə Heyətinin üzvü Fırat Fidan danışıqların davam etdiyini və bir il müddətinə oyunçu dəyişiklikləri etməyi düşündüklərini söyləyib.
 

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı