Avropa Liqasında “Qarabağ”la eyni qrupda yer alan Türkiyənin “Sivasspor” klubu heyətini gücləndirib.

Apasport.az saytının məlumatına görə, Super Liqa təmsilçisi azad agent statusu daşıyan Əmrə Çolakla anlaşıb.

Sonuncu dəfə İspaniyada “Deportivo”nun formasını geyinən 29 yaşlı yarımmüdafiəçi artıq Sivasdadır. “Qalatasaray”ın da maraq dairəsində olan pleymeyker “Sivasspor”la müqavilə bağlayıb. Klub gün ərzində yeni transferini təqdim edəcək.

Qeyd edək ki, Avropa Liqasının İ qrupunda “Sivasspor”un rəqibləri “Qarabağ”la yanaşı, “Vilyarreal” (İspaniya) və “Makkabi” (Təl-Əviv, İsrail) olacaq. Azərbaycanla Türkiyə təmsilçiləri III (5 noyabr) və IV turda (26 noyabr) üz-üzə gələcək.
 

• Kvaratsxeliya "Napoli" ilə anlaşa bilmir
• "Beşiktaş"ın futbolçusu derbini buraxacaq
• Qalmaqallı "Trabzonspor" - "Fənərbaxça" matçı ilə bağlı yeni qərar
• "Mançester Siti"dən rekord
• "Mançester Yunayted"lə oyun öncəsi "Fənərbaxça"da ciddi itki