“Volfsburq”un idarəedici direktoru Yorq Şmadtke AVRO-2020-nin təxirə salınmasının tərəfdarıdır.
Apasport.az saytının məlumatına görə, klub rəsmisi koronavirus epidemiyası ilə bağlı futbolçularını milli komandalara göndərmək fikrində deyil.
O, hətta Bundesliqa matçlarının da keçirilməməsini tələb edir: “Bundesliqanın oyunlarını azarkeşsiz keçirmək yox, təxirə salmaq lazımdır. Həmçinin milli komandaların qarşıdakı yoldaşlıq görüşləri də ləğv edilməlidir. Şəxsən mən futbolçularımı göndərməyəcəyəm, onlara qadağa qoyacağam. Məsələ ilə bağlı FİFA-ya müraciət edəcəyik. Hətta hesab edirəm ki, vəziyyət belə davam edərsə, Avropa çempionatını da planlaşdırılan vaxtda keçirmək riskli olar. Komandaların və azarkeşlərin tez-tez ölkə dəyişəcəyini nəzərə alsaq, bu durumda turnir təşkil etmək olmaz”.
Qeyd edək ki, koronavirus infeksiyasının kəskin şəkildə yayılması səbəbindən bir çox ölkə çempionatının, eyni zamanda avrokubok oyunları azarkeşsiz keçiriləcək.
Oxşar xəbərlər
Ana səhifə
Bütün xəbərlər