"İndiki vəziyyətdə futbolçuları psixoloji cəhətdən oyuna kökləmək çətin olur. Bunun üçün əlimizdən gələni etmişdik”.
Apasport.az saytının məlumatına görə, bunu "Neftçi”nin baş məşqçisi Füzuli Məmmədov deyib.
Gənc çalışdırıcı Premyer Liqanın VIII turunun "Sumqayıt”la oyunundan (0:0) sonra mətbuat konfransında fikirlərini açıqlayıb: “Düşünürəm ki, komanda üzvləri onlara verilən tapşırıqları maksimum yerinə yetirməyə çalışdılar. Rəqibi analiz edib planımızı qurmuşduq. Sadəcə, hücumda bir az kəsərsiz idik, daha aqressiv olmalı idik. Qələbə qazanmaq üçün əlimizdən gələni etdik, amma penaltidən qol buraxıb məğlub da ola bilərdik. Həmin epizodda qapıçımız yaxşı oynadı, onu təbrik edirəm. Artıq qarşıdakı matça hazırlaşacağıq”.
Baş məşqçi bildirib ki, taktika rəqibə uyğun qurulub: “Oyun ərzində bizim və rəqibin 100 faizlik qol epizodunu xatırlamıram. Müdafiədə yaxşı oynadıq, amma penalti epizodunu hələ görməmişəm və heç nə deyə bilmərəm. Hazırda hər birimizin, bütün futbolçularımızın fikri, ürəyi cəbhədədir. Şəhidlərimizə görə məyus oluruq, amma cəbhədən gələn hər qələbə xəbərinə görə çox sevinirik. Ümid edirəm, tezliklə qələbə qazanacağıq, hər şey qaydasına düşəcək və biz də fikrimizi tam olaraq oyunlarımıza yönəldəcəyik. Start heyətində hücumameylli futbolçularımız çox idi, üstəlik, ampluaları müdafiəçi olan cinah oyunçularımız da hücumlara qoşulurdular. Sona yaxın hücum xəttini bir az da gücləndirdik, amma qol epizodlarımız az oldu. Çünki rəqib də çox futbolçu ilə müdafiə olunurdu. Emin Mahmudov dünənki məşqdə yüngül zədə aldığı üçün risk edib onu meydana buraxmadıq. Namiq Ələsgərov ilk dəfə mərkəz hücumçusu kimi oynadı və ondan razı qaldım. Haqlısız, Prins İbara hücum xəttini gücləndirmək üçün böyük ümidlərlə transfer olunub, amma o, xəstəlikdən yeni sağalıb. Məşqlərə başlayıb komanda üçün effektli olamlıdır” (neftchipfk.com).
Oxşar xəbərlər
Ana səhifə
Bütün xəbərlər
Hesabım