“Mançester Siti” Premyer Liqada “Mançester Yunayted” üzərində ən çox səfər qələbəsi qazanan komanda olub.

Apasport.az saytının məlumatına görə, bu gün keçirilən XI turun matçında 2:0 hesabı ilə qalib gələn “şəhərlilər” 8-ci dəfə “Old Trafford”da qalib gəlib.

Bu, Premyer Liqa tarixində yeni rekorddur. Bunadək “Mançester Siti” və “Liverpul”un hərəsi 7 dəfə “Mançester Yunayted”in meydanında 3 xal qazanmışdı.

Bu 8 qələbənin yarısı Pep Qvardiolanın baş məşqçiliyi dövrünə təsadüf edir. İspaniyalı 4 dəfə “Old Trafford”da qələbə sevinci yaşayıb.

Hərçənd son 4 çempionat matçında “Mançester Siti” qalib gələ bilməmişdi. 2019-cu ilin aprelindəki qələbədən sonra baş tutan 4 derbidə “Mançester Yunayted” üç dəfə 3, bir dəfə 1 xala sevinmişdi.
 

• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir
• Platini İnfantinoya qarşı çıxdı – “O, getməlidir”
• Türkiyə millisinin üzvü “Qalatasaray”da – Dəniz Gül İstanbula gəlir
• Günün canlı yayımlanacaq matçları - TV AFİŞA