UEFA Çempionlar Liqasının 1/8 final mərhələsinin daha bir matçının yerini dəyişib.

Apasport.az saytının məlumatına görə, Mönhenqladbax “Borussiya”sı İngiltərə klubu “Mançester Siti”ni Almaniyada qəbul edə bilməyəcək.

Qitə futbol qurumu komandalar arasında ilk görüşün Macarıstanın Budapeşt şəhərində baş tutmasını qərara alıb. Həmin oyun fevralın 24-də olacaq. Cavab qarşılaşması isə martın 16-da olacaq.

Qeyd edək ki, bu ölkələrin digər təmsilçiləri olan “Leypsiq”lə “Liverpul” arasında Almaniyadakı qarşılaşma da fevralın 16-da Budapeştdə keçiriləcək. Bundan başqa “Atletiko” (İspaniya) – “Çelsi” (İngiltərə) oyunu Rumıniyaya (Buxarest – 23 fevral), Avropa Liqasının 1/16 final mərhələsində “Molde” (Norveç) - “Hoffenhaym” (Almaniya) görüşü isə İspaniyaya (Vilyarreal – 18 fevral) salınıb.
 

• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb