İngiltərənin “Mançester Yunayted” klubunun sabiq futbolçusu Dimitar Berbatov FİFA-nın müəyyənləşdirdiyi ilin futbolçusu mükafatına namizədlərlə bağlı fikirlərini bölüşüb.

Apasport.az saytının məlumatına görə, bolqarıstanlı keçmiş forvard finalçılardan yalnız “Bavariya”lı Robert Levandovskinin ora düşməyə layiq olduğunu söyləyib.

39 yaşlı mütəxəssis digər finalçılar “Yuventus”un hücumçusu Kriştianu Ronaldo və “Barselona”nın kapitanı Lionel Messi barədə eyni fikirdə deyil: “Messi və Ronaldonun finalçılar arasında olmasına təəccübləndim. Çünki orada olmağa layiq deyillər. İnanıram ki, mükafatı Robert Levandovski alacaq. O qalib gəlməsə, ədalətli olmaz. Robert qolları ilə mənim və bir çoxlarının ən çox sevdiyi oyunçu oldu. Ümid edirəm ki, bu il FİFA mükafatı ona verəcək”.

Qeyd edək ki, 2020-ci ilin ən yaxşıları dekabrın 17-də İsveçrənin Sürix şəhərində keçiriləcək tədbirdə müəyyənləşəcək.
 

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”