"Artıq məşqlərə başlamışam. "Finiks Rizinq"də özümü çox yaxşı hiss edirəm. Hər şey superdir".
Bunu apasport.az saytına Azərbaycan milli komandasının futbolçusu Rüfət Dadaşov deyib.
Almaniyanın "Proyssen" klubundan ayrılaraq ABŞ-ın birinci liqa təmsilçisi "Finiks Rizinq"ə keçən forvard yeni komandasında məşqlərə başlayıb. Yığmamızın hücumçusu kollektivin onu yaxşı qarşıladığını deyib: "Hər şey tam qaydasındadır. Kollektivi çox bəyəndim. Komanda yoldaşlarım mənə çox yaxşı davrandı, əla qarşıladılar. Bütün heyət mənimlə yaxşı münasibət qurur".
Son oyunlarda millinin heyətində az-az oynayan hücumçu ABŞ klubunun əsas heyətində çıxış etmək istəyir: "Əsas heyətdə oynayacam, ya yox? Bunu bilmirəm. Çünki mən cəmi 6-7 gündür ki, buradayam. Necə olacağını zaman göstərəcək. Təbii ki, daima oynamaq istəyirəm".
Oxşar xəbərlər
Ana səhifə
Bütün xəbərlər