Mövsümün ikinci yarısına Türkiyədə hazırlaşan Bakının “Neftçi” klubu bu gün sonuncu yoxlama oyununu keçirib.
Apasport.az saytının məlumatına görə, paytaxt təmsilçisi Antalyadakı 3-cü sınağında Ukraynanın “Desna” klubu ilə qarşılaşıb.
Buna qədər keçirdiyi hər iki matçda uduzan bakılılar toplanışı müsbət nəticə ilə yekunlaşdıra bilməyib. Polşanın LKS klubuna 0:4, Kiyev “Dinamo”suna 1:2 hesabı ilə məğlub olan “Neftçi” ukraynalılarla da bacarmayıb. Rəqib artıq ilk hissədə 2:0 hesabı ilə önə keçib. 66-cı dəqiqədə Stiven Jozef-Monroz 66-cı dəqiqədə fərqi minimuma endirib. "Ağ-qaralar"ın bundan artığına gücü çatmayıb və Füzuli Məmmədovun kollektivi növbəti dəfə meydanı məğlub tərk ediblər.
Qeyd edək ki, bu qarşılaşma ilə toplanışı başa vuran “Neftçi” sabah vətənə qayıdacaq.
Yoxlama oyunu
24 yanvar
18:00. “Neftçi” – “Desna” (Ukrayna) - 1:2
Stiven Jozef-Monroz, 66
Oxşar xəbərlər
Ana səhifə
Bütün xəbərlər
Hesabım