"Evdə qələbə qazanıb, ümumən turnir cədvəlində vəziyyətimizi düzəltmək istəyirdik".
Apasport.az saytının məlumatına görə, bunu "Zirə"nin baş məşqçisi Zaur Həşimov Azərbaycan Premyer Liqasının XIX turunda "Qəbələ"yə evdə 1:2 hesabı ilə məğlub olduqları oyundan sonra deyib.
Çalışdırıcı mətbuat konfransında fikirlərini bölüşüb: "Oyun istədiyimiz kimi gedirdi, qol da vurduq. Sonradan şanslardan istifadə edə bilmədik. Daha sonra oyunun gedişatı dəyişdi. Təəssüf ki, bu tur da istəyimizə nail ola bilmədik".
- Hər iki qolda Orxan Sadıqlının səhvi var idi. Hesab etmirsiniz ki, ən zəif bəndiniz qapıçınızdır?
- Bir neçə oyundur bu barədə danışılır. Az qala qapımıza gələn hər zərbə qolla nəticələnir. Meydanda legioner oynatmaq üçün məcburam ki, Orxanı qapıya qoyum.
- İkinci hissədə sönük olmağınız nə ilə bağlı idi?
- Əslində bir neçə hücumumuz oldu. Hesabda öndə olanda komanda istər-istəməz geri çəkilir.
- Meydanın mərkəzində top paylayan yox idi. Cavid Hüseynov olmayanda bu işi görə biləcək futbolçunuz yoxdur?
- Ümumilikdə komandada böyük problemlər var. Cavid cəzalı, Tellur zədəlidir. İstəsək də, əvəzetmələrdən oyunu gücləndirə bilmirik. Orta sahədəki futbolçularımız müdafiəyəmeyllilər idi. Buna görə də orada topu saxlamaqda çətinlik çəkirdik.
Oxşar xəbərlər
Ana səhifə
Bütün xəbərlər