Azərbaycan Premyer Liqasının XIX turunun "Qəbələ" - "Zirə" oyunu təxirə salınıb.

Apasport.az saytının məlumatına görə, buna səbəb Qəbələdə güclü qarın yağmasıdır.

Aramsız qar komandaların oynamaq imkanını məhdudlaşdırdığından, Peşəkar Futbol Liqası görüşün qeyri-müəyyən vaxta təxirə salınmasını qərara alıb. Təşkilatçılar matçın sabah günün ilk yarısında oynanılmasını planlaşdırsa da, bu, hava şəraitindən asılı olacaq.

Qeyd edək ki, qarşılaşma 65-ci dəqiqədə hesab 0:0 olarkən dayandırılıb.

***

17:23

Azərbaycan Premyer Liqasının XIX turunda keçirilən "Qəbələ" - "Zirə" oyunu dayandırılıb.

Apasport.az saytının məlumatına görə, buna səbəb Qəbələdə güclü qarın yağmasıdır.

Qarın yağması stadionda xətlərin itməsinə səbəb olub. Bu üzdən baş hakim Əliyar Ağayev ot örtüyünün bir qədər təmizlənməsi üçün 65-ci dəqiqədə fasilə elan edib. Bununla əlaqədar olaraq saat 18:15-də start götürməli olan “Neftçi” – “Sumqayıt” görüşü yarım saat sonraya - 18:45-ə təxirə salınıb.

Qeyd edək ki, oyun dayandırılarkən hesab 0:0 olub.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu