“Qəbələ”nin kapitanı Asif Məmmədovun durumuna aydınlıq gəlib.

Apasport.az saytının məlumatına görə, Premyer Liqanın XVI turunda “Səbail”lə (2:0) oyunun sonlarında zədələnərək əvəzlənən 36 yaşlı yarımmüdafiəçi bu gün həkim müayinəsindən keçib.

Maqnit Rezonans Tomoqrafiyasının (MRT) cavabına əsasən, Məmmədovda əzələ dartılması aşkarlanıb. İlkin diaqnoza görə, futbolçu təxminən 5-7 gün məşqlərdən kənar qalmalıdır. Lakin son sözü klubun həkimi nəticəyə baxdıqdan sonra deyəcək.

Bu da o deməkdir ki, Asif XVII turda “Sumqayıt”la keçiriləcək səfər matçını böyük ehtimalla buraxacaq. Həmin qarşılaşma fevralın 27-də baş tutacaq.
 

• "Beşiktaş"dan "Yunion"a - RƏSMİ
• "Çelsi"nin hücumçusu Premyer Liqada klubunu dəyişdi - RƏSMİ
• Qanalı müdafiəçi "fənər" yolunda
• “Fənərbaxça”da ayrılıq – Livakoviç “Barselona”ya keçdi
• “Beşiktaş”dan növbəti transfer – Ernest Poku rəsmən İstanbul klubunda