Kapitan Serxio Ramos və fransalı Rafael Varanın gələcəyi qeyri-müəyyən olduğundan, İspaniyanın “Real” klubu mərkəz müdafiəçisi axtarışına başlayıb.

Apasport.az saytının məlumatına görə, “kral klubu”nun gündəmində olan arxa xətt oyunçularından biri də “Yuventus”da çıxış edən Merih Demiraldır.

Madrid təmsilçisi 22 yaşlı futbolçunun mövsümün sonunda transferi üçün italyanlarla danışıqlara başlayıb. “Real” artıq ilk təklifini də edib. İspanlar müdafiəçisi Eder Militao və müəyyən məbləğdə pul qarşılığında keçidin reallaşmasını istəyir. Ancaq “qoca sinyora” türkiyəlinin Militao ilə deyil, Varanla dəyişdirilməsini tələb edib.

Bu dəyişiklik baş tutarsa, Hamit Altıntop və Nuri Şahindən sonra “Real”ın formasını geyinəcək 3-cü türkiyəli futbolçu Merih Demiral olacaq.

• Sanki Ronaldonun gedişini gözləyirdilər – “7 nömrə” Leaoya verildi
• Ronaldo özünü “xəyanətə uğramış” hiss edir – Jezuş yalan danışıb
• Sabiq "Yunayted"li "Portu"da: 36 yaşlı müdafiəçi ilə 1 illik müqavilə
• Batrakov Türkiyə tribunalarına heyran qalıb: “65 min nəfər səs salanda meydanda heç nə eşidilmir”
• Kurtua hakimlikdən danışdı: “Bizə bir cür izah edirlər, bir həftə sonra əksini edirlər”