“Real”ın müdafiəçisi Eder Militao sıradan çıxıb.

Apasport.az saytının məlumatına görə, 23 yaşlı futbolçu Braziliya yığmasının heyətində zədələnib.

DÇ-2022-nin seçmə mərhələsində Kolumbiya (0:0) ilə qarşılaşmada sağ ayağından xəsarət alan Militaonun durumunun ciddi olduğu açıqlanıb. İlkin tibbi müayinədən sonra onun Çempionlar Liqasının qrup mərhələsində “Şaxtyor”la və La Liqa X turunda “Barselona” ilə qarşılaşmanı buraxacağı bildirilib. Lakin futbolçu daha bir dəfə müayinədən keçəcək.

Qeyd edək ki, oktyabrın 19-da Donetskdə “Şaxtyor”un qonağı olacaq “Real” ayın 24-də “El Klasiko”da “Barselona” ilə səfərdə üz-üzə gələcək.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər