“Mançester Siti”nin hücumçusu Rahim Sterlinq Çempionlar Liqasının 1/8 final mərhələsində “Real”la keçiriləcək ilk oyunda iştirak edə biləcək.

Apasport.az saytının məlumatına görə, bunu “şəhərlilər”in baş məşqçisi Pep Qvardiola deyib.

İspaniyalı mütəxəssis ulduz futbolçunun bugünkü qarşılaşmada heyətdə yer alacağını söyləyib: “Rahim formadadır. O, “Vest Hem” və “Lester”lə matçda da oynamaq istəyirdi. Ancaq həkimlər çıxış etməməsini məsləhət gördülər. “Real”la görüşə tam hazırdır”.

Qeyd edək ki, Sterlinq iki həftə əvvəl “Tottenhem”lə Premyer Liqa matçında (0:2) zədələnmişdi. “Real” – “Mançester Siti” oyunu Bakı vaxtı ilə 00:00-da başlayacaq.

• “Trabzonspor”dan Vitor Pereyra həmləsi – Danışıqlar başlayıb
• Türk Hava Yolları “Liverpul”a sponsor oldu - 5 il üçün 300 milyon funt
• “Göztepe”nin qapıçısından azarkeşlərə təhdid: “Bir gün küçədə qarşılaşacağıq”
• “Real”da Arda Güler problemi – “Mbappe və Vinisiusdan qorxur”
• Çempionlar Liqası matçları bu kanallarda - TV AFİŞA