“Evdə oturmuşam, istirahət edirəm”.

Bunu apasport.az saytına “Qarabağ” klubunun koronavirusa yoluxan qapıçısı Şahrudin Məhəmmədəliyev deyib.

Azərbaycan millisinin qolkiperi hazırda özünü yaxşı hiss etdiyini söyləyib: “Bir gün temperaturum oldu, bədənim çox pis ağrıyırdı. Həkimin yazdığı dərmanı içirəm. Özümü indi daha yaxşı hiss edirəm”.

Məhəmmədəliyev Azərbaycan Premyer Liqasının təxirəsalma ilə davam etdirilməsi qərarına da münasibət bildirib. 26 yaşlı qapıçı Peşəkar Futbol Liqasının doğru qərar verdiyini düşünür: “Düzdür, belə vəziyyətdə oynamaq hər kəs üçün çətindir. Ancaq başqa nə etmək olar? Oynamaq lazımdır, başqa variant yoxdur. Futbolu dayandırmaq olmaz. Çempionat dayandırılsa, daha çətin olar”.

Qeyd edək ki, “Qarabağ” Premyer Liqanın XII turu çərçivəsində dekabrın 20-də “Qəbələ” ilə qarşılaşacaq.
 

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”