Azərbaycan millisinin hücumçusu Renat Dadaşov Avropa Liqasında (AL) "Vulverhempton"un formasını geyinə bilər.

Apasport.az saytının məlumatına görə, Premyer Liqa təmsilçisi bu turnirin iştirak ərizəsindəki dəyişiklikləri UEFA-ya təqdim edib.

Siyahıdan 4 futbolçunun adını çıxaran "Vulverhempton" əvəzində 3 yeni oyunçu əlavə edib. Yeni cəlb olunanlar Leonardo Kampanya, Daniel Podense və Renat Dadaşovdur. Bu isə o deməkdir ki, gənc forvard bu ay start götürəcək pley-off mərhələsində komanda ilə birlikdə olacaq.

Amma R.Dadaşov UEFA-ya təqdim olunan sifariş vərəqində Almaniya vətəndaşı kimi göstərilib. Bu da onunla bağlıdır ki, Almaniyada doğulub boya-başa çatan və bu ölkənin aşağı yaş qrupu yığmalarında da oynayan hücumçu sonradan milliləşdirilərək Azərbaycan yığmasına cəlb olunub.

Qeyd edək ki, "Vulverhempton" Avropa Liqasının 1/16 final mərhələsində "Espanyol"la qarşılaşacaq. İlk oyun fevralın 20-də İngiltərədə, cavab görüşü isə 27-də İspaniyada baş tutacaq.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı