“Bu, hər bir futbolçu üçün ən ağır zədələrdən biridir. Sağalması, tam bərpası üçün çox vaxt lazım gəlir".

Apasport.az saytının məlumatına görə, bu sözlər "Qarabağ"ın futbolçusu Bədavi Hüseynova məxsusdur.

Azərbaycan millisinin də formasını geyinən müdafiəçi klubunun mətbuat xidmətinə açıqlama verib. Fərdi məşqlərini davam etdirən futbolçu bərpa prosesindən danışıb: "Bəzən hər gün eyni hərəkətləri etmək insanı yorur. Bunun üçün psixoloji cəhətdən də hazır olmalısan. Şükürlər olsun ki, indi özümü yaxşı hiss edirəm. Çətin günlər demək olar ki, geridə qalıb. Mən bir dəfə də bu zədədən əziyyət çəkdiyim üçün nə etmək lazım olduğunu bilirəm. Yolun yarısını artıq qət etmişəm. İndi həkim nəzarətində fərdi qaydada bərpa məşqlərini keçirik. Həkimlərimiz noyabrın sonlarında komanda ilə birgə məşq etməyə hazır olacağımı deyirlər. Ümid edirəm ki, “Qarabağ” uğurlu çıxışını həm avrokuboklarda, həm də Azərbaycan çempionatında davam etdirəcək. Özümə isə tezliklə sıraya qayıtmağı arzulayıram”.
 

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər