İtaliyanın “Yuventus” klubu hücumçusu Alvaro Morata ilə bağlı yekun qərarını verib.

Apasport.az saytının məlumatına görə, “qoca sinyora” İspaniya “Atletiko”sundan 10 milyon avroya icarəyə götürülən 28 yaşlı forvardı birdəfəlik transfer edəcək.

Moratanın cari mövsümdəki performansından razı qalan baş məşqçi Andrea Pirlo onun alınmasını istəyib. Klublar arasındakı razılığa əsasən, “Yuve” 51 milyon avroya İspaniya millisinin üzvünü transfer edə bilər. Turinlilər yaxın müddətdə bu məbləği ödəyərək, forvardla uzunmüddətli müqavilə bağlamağa hazırlaşır.

Qeyd edək ki, Alvaro Morata bu mövsüm keçirdiyi 14 oyunda 9 qol vurub, 4 məhsuldar ötürmə verib.
 

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”