“Gənclərbirliyi” klubu Azərbaycan Premyer Liqasında ardıcıl 13-cü məğlubiyyətini alıb

13.04.2008 - 10:49

Bakı. Vüqar Xeyrullayev - APA-Sport. Sumqayıtın “Gənclərbirliyi” klubu Azərbaycan Premyer Liqasında ardıcıl 13-cü məğlubiyyətini alıb. “APA-Sport” agentliyinin məlumatına görə, çempionatın autsayderi 21-ci turda turnir cədvəlində qonşusu olan ABN klubu ilə görüşdən 0:2 hesabı ilə məğlub ayrılıb. Turun ilk günündə keçirilən digər iki matçda heç-heçə qeydə alınıb. Tovuzda baş tutan “Turan” – “Masallı” oyununda qapılara qol vurulmayıb. Qərblilər ardıcıl üçüncü dəfə qapısının toxunulmazlığını saxlamaqla sonuncu yerlə xal fərqini 7-yə çatdırıb. “Karvan” – “Standard” oyununda isə rəqiblər hərəyə bir qol vurub. Birinci dövrədə paytaxt təmsilçisində sabiq komandasını yenə bilməyən Yunis Hüseynov “Karvan”a qayıtdıqdan sonra da əvvəlki klubunu üstələyə bilməyib. Moldovanın gənclərdən ibarət milli komandasının oyunçusu Dan Pisla ardıcıl ikinci oyun qol vurmaqla uzun müddət düşə bilmədiyi əsas heyətə layiq olduğunu göstərib. 21-ci turun ilk günündə cəmi 4 qol vurulub ki, bu da təsadüfi deyıl. İlk 3 qarşılaşmada turnir cədvəlinin son 6 pilləsində qərarlaşan komandalar münasibətlərini ayırd edib.

12 aprel
“Turan” – “Masallı” 0:0
ABN – “Gənclərbirliyi” 2:0
Aqşin Salahov, 16. Eldəniz Orucov, 75.
“Karvan” – “Standard” 1:1
Süleyman Kamara, 31 – Dan Pisla, 72.

Turun digər oyunları bu gün keçiriləcək: “Olimpik” – “Neftçi”, “Qarabağ” – “Qəbələ”, “Xəzər-Lənkəran” – “İnter”,
“Simurq” – “Bakı”.

Turnir cədvəli

	Klub	o	q	h	m	t	X
1	Olimpik	19	15	4	0	25-3	49
2	Neftçi	19	14	3	2	37-16	45
3	İnter	19	12	4	3	37-13	40
4	Xəzər-Lənkəran	19	10	7	2	34-14	37
5	Simurq	19	9	3	7	28-21	30
6	Qəbələ	19	9	1	9	24-23	28
7	Bakı	19	7	6	6	26-19	27
8	Qarabağ	19	7	6	6	18-14	27
9	Masallı	20	6	4	10	21-34	22
10	Standard	20	5	7	8	24-21	22
11	Karvan	20	6	3	11	17-22	21
12	Turan	20	3	4	13	13-35	13
13	ABN	20	2	6	12	11-34	12
14	Gənclərbirliyi	20	2	0	18	12-58	6