Bakı. Mehman Süleymanov – APA-Sport. “Həqiqətən də Neftçi” rəhbərliyi qarşımda qlobal vəzifə qoymayıb. Söhbət komanda oyununun yaranmasından gedib”. “APA-Sport” agentliyinin məlumatına görə, bu fikirləri “Neftçi” klubunun baş məşqçisi Anatoli Demyanenko Ukrayna mətbuatına müsahibəsində deyib. O, bildirib ki, cari mövsümdə çempion olmamaq gələn il üçün böyük stimul olacaq: “Bizə komanda yaratmaq çox vacibdir. Hansı mövqeləri gücləndirməyin lazım olduğunu bilirəm. Kiyevin “Dinamo” klubundan icarədə çıxış edən gənc futbolçuların “Neftçi”yə cəlb olunması variantı üzərində fikirləşirəm”.