Bakı. Mehman Süleymanov – APA-Sport. Azərbaycanın 19 yaşlılardan ibarət yığma komandasının (U-19) üç futbolçusu karyerasını Almaniyada davam etdirə bilər. AFFA-nın Milli Komandalar Departamentinin rəisi Bəhruz Əsgərovun “APA-Sport” agentliyinə verdiyi məlumata görə, almaniyalılar Eşqin Quliyev, Araz Abdullayev və Şəhriyar Xəlilova maraq göstərirlər: “Bu futbolçuları Almaniyada hazırlıq keçdiyimiz zamanı bəyəniblər. Almaniyalılar Eşqin, Araz və Şəhriyarla yaxından maraqlanırlar. 21 və 19 yaşlılardan ibarət yığmamızın almaniyalı çalışdırıcısı Bernard Lippert vətənində qalıb bu futbolçularla bağlı danışıq aparacaq”.
Qeyd edək ki, almaniyalıların maraq dairəsinə düşənlərdən A.Abdullayevlə Ş.Xəlilov yarımmüdafiəçi, E.Quliyev hücumçudur. Ş.Xəlilov “Qarabağ”, qalan iki oyunçu isə müqavilə ilə “Neftçi”yə məxsusdur.

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb