Bakı. Vüqar Xeyrullayev - APA-Sport. Ağdamın “Qarabağ” klubu iki ildir Azərbaycan Premyer Liqasında “İnter”ə qalib gələ bilmir. “APA-Sport” agentliyinin məlumatına görə, 2006-cı il aprelin 16-da rəqibini 1:0 hesabı ilə məğlub edən ağdamlılar həmin oyundan sonra “İnter”in qapısına qol da vura bilməyib. Azərbaycan Premyer Liqasının 22-ci turunda baş tutacaq oyundan 734 gün əvvəl “Qarabağ”a qələbə gətirən topu Elmir Xankişiyev vurmuşdu. Bu komandalar, ümumilikdə çempionatda 13 dəfə qarşılaşıb. Son 3 görüşdə uduzmasına baxmayaraq, “Qarabağ” daha çox 6, “İnter” isə cəmi 5 qələbə qazanıb. Daha iki oyunun heç-heçə bitdiyi qarşılaşmalarda ağdamlılar rəqib meydanında qol vura bilmir. “Qarabağ” səfərdə “İnter”lə keçirdiyi 6 matçdan yalnız birində qol vura bilib. Bakılıların qol buraxmadan rəqibinə qalib gəldiyi son 3 oyunda komandanı meydana Valentin Xodukin çıxarıb.

“Qarabağ” – “İnter”: bütün oyunlar

mövsüm	“Qarabağ”ın meydanında	“İnter”in meydanında
1999/2000	2:0	0:0
2000/01	3:0	0:0
2003/04	3:1	2:0
2004/05	3:1	0:1
2005/06	1:0	0:2
2006/07	0:1	0:1
2007/08	0:1