Onun sözlərinə görə, görüş mayın 3-də “Şəfa” stadionunda baş tutacaq. SSRİ yığmasının veteranlardan ibarət komandası Bakıya 14 nəfərlik heyətlə gələcək. Onlar vaxtilə Moskvanın “Dinamo”, MOİK, “Spartak”, “Lokomotiv” və “Torpedo” klublarında çıxış etmiş Vladimir Semikin, Viktor Papayev, Yuri Qavrilov, Viktor Losev, Dmitri Kuznetsov, Yuri Maslakov, Valeri Novikov, Dmitri Kudinov, Valeri Broşin, Nikolay Saviçev, İqor Simutenkov, Vladimir Tatarçuk, Dmitri Şirşakov və Marat Abyanov olacaq. Rusiyalı veteranlardan M.Abyanov bir neçə il öncə “Turan AİR” futzal klubunda çıxış edib və Azərbaycan çempionu adını qazanıb. N.Saviçev isə Rusiyanın 17 yaşlılardan ibarət yığma komandasının baş məşqçisi kimi ötən il Azərbaycanın eyni yaşlı millisi ilə Avropa çempionatının seçmə matçında (1:1) qarşılaşıb.