Bakı. Elşən Məmmədov-APA-Sport. “Neftçi” Veteranları Futbol Klubu AFFA prezidenti Rövnəq Abdullayevə müraciət hazırlayır. Bu haqda “APA-Sport” agentliyinə klubun prezidenti Oqtay Abdullayev məlumat verib. Onun sözlərinə görə, müraciətdə veteran futbolçu İsgəndər Cavadovun aprelin 26-da İcraiyyə Komitəsi üzvlüyünə seçiləcəyi halda, R.Abdullayevin onu AFFA-nın vitse-prezidenti postuna təklif etməsi xahiş olunacaq. O.Abdullayev bildirib ki, hazırda bu məqsədlə veteranlardan imzalar toplanılır. Bu işin həftəsonunadək yekunlaşacağını deyən klub prezidenti müraciəti aprelin 21-də federasiya prezidentinə göndərəcəklərini açıqlayıb.
Qeyd edək ki, İ.Cavadovun namizədliyi Musa Qurbanovun başçılıq etdiyi Futbolçular Birliyi tərəfindən irəli sürülüb.

• "Bavariya" 3 xalı 1 qolla qazandı
• Van Persinin oğlu "Feyenoord"la müqavilə imzalayıb
• Billinq "Napoli" ilə müqavilə imzalayıb
• "İnter"in futbolçusu "Tottenhem" yolunda
• Moyesin “Vest Hem”ə təyinatı rəsmiləşdi