Bakı. Vüqar Xeyrullayev - APA-Sport. Yevlaxın “Karvan” klubu səfərdə “Bakı”nın qapısına qol vura bilməyib. “APA-Sport” agentliyinin məlumatına görə, Azərbaycan Premyer Liqasının XXII turunda Bakıda qarşılaşacaq rəqiblər indiyədək çempionatda 7 dəfə üz-üzə gəliblər. Bu oyunlarda “Bakı” 4, “Karvan” isə cəmi 1 qələbə qazanıb. Paytaxtda keçirilən görüşlərdə yalnız meydan sahibləri qol vurublar. Öz meydanındakı 3 oyundan ikisində yevlaxlıları məğlub edən “Bakı” ümumilikdə son 3 matçda “Karvan”a qalib gəlib. 2006-cı il fevralın 12-də Yevlaxda keçirilən qarşılaşmada qalib gələn Yunis Hüseynovun komandası 26 aydır rəqibindən xal ala bilmir.

“Bakı” və “Karvan” arasındakı bütün oyunlar:

mövsüm	Bakıda	Yevlaxda
2004/05	0:0	0:0
2005/06	1:0	0:1
2006/07	2:0	2:1
2007/08		1:0