Zöhrab Qədiyev 947 gündən sonra güclülər dəstəsində oyun idarə edəcək

23.04.2008 - 15:10

Bakı. Mehman Süleymanov – APA-Sport. AFFA-nın Hakimlər Komitəsi Azərbaycan Premyer Liqasının XVIII turdan təxirə salınan oyunlara təyinatları açıqlayıb. “APA-Sport” agentliyinin məlumatına görə, AFFA rəhbərliyinin hakimliyə qaytardığı Zöhrab Qədiyev üç illik fasilədən sonra güclülər dəstəsi oyununa təyinat alıb. 44 yaşlı sabiq FİFA hakimi Bərdədə yerli ABN və Ağdamın “Qarabağ” klubunun görüşündə baş hakim olacaq. Bununla da Z.Qədiyev 947 gündən sonra yüksək liqada oyun idarə edəcək. Z.Qədiyev güclülər dəstəsində sonuncu dəfə 2005-ci ilin avqustun 13-də ilk turda “Neftçi” – “Şahdağ” (3:1) görüşündə idarəçilik edib.
XVIII tura aprelin 28-də yekun vuracaq “İnter” – “Olimpik” matçını Peter Sippelin başçılıq etdiyi almaniyalı hakimlərin idarə edəcəyi məlum olsa da, AFFA bunu hələ rəsmən açıqlamır.

26 aprel

“Gənclərbirliyi” – “Karvan”.
Baş hakim: Feyzulla Feyzullayev. Hakim-köməkçiləri: Sultan Məmmədov, Aleksandr Musatkin, Venera Muradova.

“Masallı ” – “Bakı”.
Baş hakim: Anar Salmanov. Hakim-köməkçiləri: Habil Əliyev, Elşən Durmuşov, Ramiz Əhmədov.

ABN – “Qarabağ”.
Baş hakim: Zöhrab Qədiyev. Hakim-köməkçiləri: Munis Abdullayev, Aydın Ələkbərov, Elçin Səmədli.

27 aprel

“Standard” - “Neftçi”.
Baş hakim: Fariz Yusifov. Hakim-köməkçiləri: Azər Əsgərov, Mehman Mahmudov, Rasim Məmmədov.

“Qəbələ” - “Simurq”.
Baş hakim: Babək Quliyev. Hakim-köməkçiləri: İqor Şpakovski, Akif Adıgözəlov, Hacıəli Ağayev.

“Turan” – “Xəzər- Lənkəran”.
Baş hakim: Anar Niyazov. Hakim-köməkçiləri: Rufulla Kərimov, Ramiz Əsədov, Elnur Muradov