Futbolçu karyerasını bitirən kimi “Fortuna”nın (Düsseldorf) istefaya göndərilən baş məşqçisini əvəzləyib. Lakin Y.Qedenin Bundesliqada baş məşqçi fəaliyyəti iki ayla məhdudlaşıb. 16 il əvvəl yanvarın 24-də klubla anlaşan çalışdırıcı martın 25-də istefaya göndərilib. Həmin il güclülər dəstəsini tərk edən “Fortuna” mütəxəssisin rəhbərliyi altında 7 oyunda 3 heç-heçə edib və 4 dəfə uduzub. Onun komandasında Tomas Allofs da çıxış edib. Bundan sonra Düsseldorf təmsilçisində idman direktoru kimi işləyən Y.Qede 1998-ci ildə bir neçə aylıq İrana yollanıb və tezliklə istefaya göndərilib. Sonra Almaniyanın aşağı dəstə klubları “Lipştadt”, “Essen”, “Rot Vays” və “Oberhauzen”də çalışan mütəxəssis 2005-ci ildə Daşkənddən təklif alıb. Dünya çempionatının seçmə mərhələsində Cənubi Koreyaya məğlubiyyətdən sonra vəzifəsindən azad olunub. Mütəxəssis bu postda cəmi 3 oyun keçirib: seçmə mərhələdə Səudiyyə Ərəbistanı ilə 1:1, Küveytlə 2:1, Cənubi Koreya ilə 1:2.
1956-cı il noyabrın 14-də anadan olan Y.Qede peşəkar karyerasını Bundesliqada başlayıb. 1975-77-ci illərdə “Şalke-04”də çıxış edən yarımmüdafiəçi karyerasının yerdə qalan hissəsini aşağı dəstədə keçirib. Bundesliqada cəmi 33 matç (2 qol) keçirməsinə baxmayaraq, 1977-ci ildə 21 yaşlı futbolçu ilk titulunu qazanır və ölkə çempionu olduğu komandanı tərk edib. İki ik aşağı dəstənin “Prussen” klubunda çıxış edən yarımmüdafiəçi 1979-cu ildə keçdiyi “Fortuna”da (Köln) 1991-ci ildə karyerasını bitirənədək oynayıb. Aşağı dəstədə 415 qarşılaşmada 58 qol vuran orta sahə oyunçusu ikinci titulunu qazanıb. 1983-cü ildə aşağı dəstə təmsilçisi ilə birgə Almaniya kubokunu başı üzərinə qaldırıb.

• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır
• Premyer Liqa klubu Virtzi istəyir
• “Tottenhem”in futbolçusu: "Layiqli qələbə qazandıq"
• Sabiq "Fənərbaxça"lı güllələndi