“Rabotniçki” klubunun baş məşqçisi yanvarda “Voyvodina”dan ayrılıb
01.07.2008 - 17:34
“Rabotniçki” klubunun baş məşqçisi yanvarda “Voyvodina”dan ayrılıb
Skopye. Vüqar Xeyrullayev - APA-Sport. Makedoniyanın “Rabotniçki” klubunun nigeriyalı oyunçusu Adekunle Luxmon üsyançıların sırasını tərk edib. “APA-Sport” agentliyinin məlumatına görə, 23 yaşlı müdafiəçi klubu tərk edən qiyamçılara qoşulmayan azsaylı futbolçulardan biri olmağa qərar verib. Bir müddət əvvəl komandanın özəyini də özü ilə birgə digər Skopye təmsilçisi “Vardar”a aparan klub prezidenti Trifun Kostovski nigeriyalını yola gətirə bilməyib. A.Luxvon “İnter”lə Çempionlar Liqasının oyunlarında da heyətində çempiona olduğu “Rabotniçki” klubunun formasını geyəcək. Komandanın yeni baş məşqçisi Boban Babunskinin də yeni prezidentin komandaya gətirdiyi kadrlardandır. Maraqlıdır ki, 2007/08 mövsümünü “İnter”in rəqibi “Rabotniçki”nin baş məşqçisi kimi başlayan Draqolyub Bekvalats indi “Olimpik”lə qarşılaşacaq. Yanvarda “Rabotniçki”ni tərk edib “Voyvodina”ya keçən mütəxəssis indiyədək Serbiya təmsilçisinə rəhbərlik edir.
0