Tiflis. Mehman Süleymanov - APA-Sport. Zaqatalanın “Simurq” klubu Gürcüstandakı hazırlıq prosesi çərçivəsində keçirdiyi ilk yoxlama oyununda qələbə qazanıb. “APA-Sport” agentliyinin məlumatına görə, Tiflisdə təlim-məşq toplanışında olan komandamız Gürcüstan çempionatının aşağı liqasında çıxış edən Qaqranın “Dinamo” klubunu 3:2 hesabı ilə məğlub edib. “Simurq” qarşıdakı iki yoxlama oyununu Gürcüstan çempionu ilə keçirəcək. Belə ki, 2006/07 mövsümündə çempionluğu qazanan Tiflisin “Olimpi” klubu iyulun 7-də və 10-da zaqatalalılarla qüvvəsini sınamağa razılıq verib.