Ptuj. Mehman Süleymanov – APA-Sport. “Bakı” klubu Sloveniyadakı hazırlıq prosesində keçirdiyi sonuncu yoxlama oyununda məğlub olub. “APA-Sport” agentliyinin məlumatına görə, bakılılar Serbiyanın “Çukariçki Stankom” klubuna 0:2 hesabı ilə uduzub. Belqrad şəhərini təmsil edən bu komanda son mövsümdə Serbiyanın yüksək liqasında 6-cı yeri tutub. Makedoniyalı mütəxəssisi Qyoko Hacievskinin çalışdırdığı “Bakı” Ptujdakı iki həftəlik təlim-məşq toplanışında 4 yoxlama oyunu keçirib. “Bakı” bunadək Sloveniyanın “Drava” klubuna uduzub (0:1), “Olimpiya” (Lyublyana) ilə heç-heçə edib (2:2), Bosniya və Herseqovinanın “Slaviya” komandasını məğlub edib (3:1).

• “Barselona”da yeni müqavilə
• Türkiyə millisinin futbolçusuna hücumda şübhəli bilinən 5 nəfər həbs edilib - YENİLƏNİB
• Kurtua zədələnib
• "Real"ın sabiq kapitanı Misir klubuna keçə bilər
• Qrizmandan sürpriz qərar: Millidən ayrıldı