Bakı. Mehman Süleymanov - APA-Sport. Ektor Kuperin Gürcüstan yığmasına rəhbərlik edəcəyi rəsmiləşib. “APA-Sport” agentliyinin məlumatına görə, ölkənin futbol federasiyasının İcraiyyə Komitəsi “İnter” və “Valensiya” kimi klubları çalışdırmış argentinalı mütəxəssisi milli komandanın baş məşqçi postuna təsdiqləyib. E.Kuperlə rəsmi müqavilə gələn həftə Tiflisdə bağlanacaq. 17 aylıq nəzərdə tutulan anlaşma avqustun 1-dən qüvvəyə minir. Bu müddətdə E.Kuper Gürcüstanda yaşayıb, çalışacaq. Gürcüstan yığması E.Kuperin rəhbərliyi altında ilk oyunu avqustun 20-də Kardiffdə Uels millisi ilə yoldaşlıq görüşü olacaq.