"Qarabağ" klubunun rəsmiləri baş məşqçinin istefası xəbərini agentliyə təsdiqləsələr də, R. Karanın özü ilə əlaqə yaratmaq mümkün olmayıb.

Ehtimallara görə, R. Kara fəaliyyətini əvvəllər işlədiyi "Xəzər-Lənkəran" klubunda davam etdirəcək. Türkiyəli çalışdırıcı bu dəfə baş məşqçi kimi deyil, komandada rəhbər postlardan birini tutacaq.

"Qarabağ" rəhbərliyi isə R. Karadan AFFA-ya şikayət etmək fikrindədir. Buna səbəb məşqçinin "Qarabağ"la müqaviləsi ola-ola digər komanda ilə danışıq aparmasıdır.

Məlumatlara görə, dünən "Xəzər-Lənkəran" klubunun baş məşqçisi postundan qovulan Ağasəlim Mircavadov vaxtilə çalışdırdığı "Qarabağ"a qayıdacaq.

Qeyd edək ki, R. Kara il yarım öncə "Qarabağ" klubunun baş məşqçisi kimi fəaliyyətə başlayıb.