Bakı. Mehman Süleymanov - APA-Sport. İtaliyanın “İnter” klubunun baş məşqçisi Joze Mourinyo iş yerini dəyişəcək. “APA-Sport”un məlumatına görə, 45 yaşlı portuqaliyalı mütəxəssis hazırkı klubu ilə müqaviləsi bitəndən sonra İngiltərəyə qayıdacağını bəyan edib. Üç il Londonun “Çelsi” klubunu çalışdıran Mourinyo “Dubanlı Albion”, Premyer Liqa üçün darıxıb: “İnter”dən gedəndən sonra İngiltərə Premyer Liqaya dönəcəyəm. Oraya böyük simpatiyamın olduğunu heç vaxt gizlətməmişəm. İngiltərə futbolunu sevən bir şəxs kimi ora mütləq qayıdacağam. Bu, gözləniləndən də tez ola bilər. Ancaq buna qədər “İnter”lə əhəmiyyətli uğur qazanmaq istəyirəm. Klubla bağladığım müqaviləyə əsasən öhdəçiliyim var. Ancaq anlaşmam bitəndən sonra İtaliyada qalmayacağam. Çoxları deyir ki, İtaliyadan sonra İspaniya, yaxud öz yığmamızda çalışacağam. Bu, doğru deyil. Mən “İnter”dən sonra çox bəyəndiyim İngiltərədə fəaliyyətimi davam etdirmək istəyirəm”.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq