Bakı. Aqşin Əliyev - APA-Sport. Azərbaycanın 15 yaşadək futbolçulardan ibarət milli komandası (U-15) Almaniyada keçirilən təlim-məşq toplanışını başa vurub. “APA-Sport”un AFFA-nın rəsmi İnternet saytına istinadən məlumatına görə, yığmamız hazırlıq prosesi çərçivəsində 4 yoxlama matçında qüvvəsini sınayıb.

Almaniyalı baş məşqçi Oliver Pilzerin yetirmələri ilk oyunda “Bavariya”lı həmyaşıdları ilə qarşılaşıblar. Yeniyetmə futbolçularımız rəqibini 2:1 hesabı ilə məğlub edib. Bundan başqa, yığmamız “Münhen-1860” klubunun 14 və 15 yaşlılardan ibarət komandalarına da qalib gəliblər (müvafiq olaraq, 6:0 və 2:0).

U-15-in Almaniyada qarşılaşdığı yeganə əcnəbi klub Avstriya “Zalsburq”u olub. Milli komandamız çətinliklə də olsa, avstriyalıları üstələyib – 4:3. Beləliklə, yığmamız təlim-məşq toplanışında keçirdiyi bütün yoldaşlıq görüşlərində qələbə qazanıb.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq