Bakı - APA-Sport. Sabah İstanbulda Çempionlar Liqasının qrup mərhələsi çərçivəsində “Arsenal” klubu ilə qarşılaşacaq “Fənərbaxça”nın ispan baş məşqçisi Luis Araqones mətbuat konfransı keçirib. “APA-Sport”un məlumatına görə, 70 yaşlı mütəxəssis rəqibin çox təhlükəli olduğunu bildirib.

“Qrupumuzun ən güclü komandası ilə oynayacağımızı bütün dünya bilir. “Arsenal” daha çox əks-hücumda uğur qazanması ilə ad çıxarıb. Amma mən həmişə öz yetirmələrim haqda düşünürəm” - deyə Araqones qeyd edib.

İspaniya yığmasına Avropa çempionluğunu qazandıran mütəxəssis “Arsenal”ı İngiltərəyə məyus yola salmaq istədiklərini vurğulayıb. Araqones sabah baş tutacaq görüşdə Daniel Quiza - Semih Şəntürk hücum cütlüyündən yararlanacağını da sözlərinə əlavə edib.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq