Bakı. Aqşin Əliyev - APA-Sport. Bu gün Macarıstanda 19 yaşadək futbolçulardan ibarət milli komandalar arasında Avropa çempionatının ilkin seçmə mərhələsinin 1-ci qrupunun oyunlarına start verilib. “APA-Sport”un məlumatına görə, Azərbaycan yığması ilk turda Şotlandiyanı sınağa çəkib.

Hesabı 4-cü dəqiqədə açan Yaşar Vahabzadənin yetirmələri üstünlüklərini sonadək qoruya bilməyiblər. Belə ki, şotlandiyalılar 31-ci dəqiqədə tarazlığı bərpa ediblər - 1:1. Qalan vaxtda tərəflərin səyinə baxmayaraq, hesab dəyişməyib.

Milli komandamız oktyabrın 22-də meydan sahibləri, bundan 3 gün sonra isə San Marino ilə qarşılaşacaq. Qrupda ilk iki yeri tutacaq, həmçinin ən yaxşı göstəricilərlə 3-cü pillədə qərarlaşacaq kollektivlər Avropa çempionatının elit seçmə mərhələsinə vəsiqə qazanacaqlar.

• Alonso "Real"a qayıtmağa yaxındır
• Kvaratsxeliya İspaniya yolunda
• “Yuventus” Poqbanın müqaviləsini ləğv edəcək
• Salah bu şərtlə "Liverpul"da qalacaq
• "Arsenal" və "Liverpul" 100 milyon avroluq oyunçu üçün mübarizə aparacaq