Bakı. Aqşin Əliyev - APA-Sport. AFFA rəhbərliyi Azərbaycanda uşaq futbolunun inkişafı məqsədilə həyata keçirdiyi silsilə tədbirlərdən daha birini gerçəkləşdirib. “APA-Sport”un məlumatına görə, assosiasiya rəsmiləri bu gün Xırdalan şəhərində şagirdlərlə görüşüblər.

Şəhərin 1, 2, 3, 4 və 5 nömrəli məktəblərinə baş çəkən AFFA nümayəndələri burada təhsil alan uşaqlarla söhbətləşib, onların futbola marağını öyrəniblər. Daha sonra məktəblilərə çoxlu top hədiyyə olunub.

Onu da qeyd edək ki, belə tədbirlərin təşkilində əsas məqsəd ölkə prezidenti İlham Əliyev tərəfindən imzalanmış “2005-2015-ci illərdə Azərbaycan Respublikasında futbolun inkişafına dair Dövlət Proqramı”nın müddəalarının yerinə yetirməkdir.

• “Mançester Yunayted”də ciddi itki
• Luis Enrikenin taleyinə aydınlıq gəlib
• Mbappe ən yaxşı adına layiq görüldü
• Şeşko karyerasını Premyer Liqada davam etdirə bilər
• Portuqaliya millisinin Azərbaycanla oyunlar üçün heyəti açıqlanıb